माओवादी अध्यक्ष प्रचण्डद्वारा वर्तमान सरकारलाई 'कुहिएको फर्सी'को संज्ञा
Monday, 03.08.2010, 11:07pm (GMT+5.5)काठमाडौं । एकीकृत नेकपा माओवादीका अध्यक्ष पुष्पकमल दाहालले वर्तमान सरकारलाई 'कुहिएको फर्सी'को संज्ञा दिएका छन् ।
काठमाडौंमा सोमबार माओवादी अध्यक्ष दाहालले 'रिमोट कन्ट्रोल र आकाशवाणी'बाट चलेकाले सरकार फत्तक्कै कुहिएर गनाउन थालेको टिप्पणी गरे । दाहालले तोकिएको समयमा नयाँ संविधान बनाउन नदिने षड्यन्त्र भइरहेको भन्दै त्यसलाई विफल बनाउन आफ्नो दलको नेतृत्वमा राष्ट्रिय सरकार गठन गर्नुपर्ने अडान दोहोर्याए । उनले माओवादीको 'जनविद्रोह' रोक्ने नाममा अँध्यारा कोठामा बसेर राष्ट्रियताविरोधी घोर दक्षिणपन्थी गठबन्धनको प्रयास भइरहेको दाबी गरे ।
तोकिएको समयमा संविधान नबनाई शान्ति प्रक्रिया विफल पार्ने षड्यन्त्र जारी राखे जनविद्रोह गर्ने चेतावनी दिँदै उनले त्यो विद्रोह अन्तिम हुने स्पष्ट पारे । उनले सडकबाटै संविधान बनाउनसमेत माओवादी तयार रहेको भन्दै त्यसका लागि तयार रहन कार्यकर्तालाई निर्देशनसमेत दिए ।
सेनालाई माओवादीविरुद्ध भड्काउन खोजिए पनि सेनासँग आफ्नो वैमनश्यता नरहेको उनको भनाइ थियो । उनले राष्ट्रलाई बचाउन एकजुट भएर काम गर्न सेनासमक्ष आग्रह पनि गरे ।
Comments (0)
Print
Tell friend
Top
