Hot News
स्वच्छ, निष्पक्ष र धाँधलीरहित निर्वाचन गर्न कुनै कसर बाँकी नराख्ने: निर्वाचन आयुक्त ; एडिविको १५० मिलियन अमेरीकी डलर स्वीकार गर्ने सरकारको निर्णय ; सर्वोच्च अदालतमा भागदौड बम भएको हल्ला, फोन न्यूराेड र स्वयम्भुबाट ; उद्योगी विनोद चौधरी चुनावी प्रचार सभामा ; सुरक्षा निकायका प्रमुखसँग छलफल
Home > News > News

मलेसियाका नेपाली कृति पार्सल र विन्दुवाण विमोचित

Monday, 08.14.2017, 11:54pm (GMT+6.5)    | Comment | Print | Tell friend

काठमाडौं, ३० साउन । मलेसियामा रहेर नेपाली साहित्यमा सक्रिय रहेका जीवन देवान गाउँले र तुलसी विन्दुका कृति हिजो आइतबार सार्वजानिक भएको छ । गाउँलेको कथा सङ्ग्रह 'पार्सल' र विन्दुको कार्टुन सङ्ग्रह 'विन्दुवाण'लाई बागबजारस्थीत सिटी म्याक्समा आयोजित कार्यक्रमको बिचमा वरिष्ठ साहित्यकार नेपाली प्रज्ञा प्रतिष्ठानका पूर्व कुलपति वैरागी काइँलाले विमोचन गर्नुभएको हो । 
विमोचन गर्दै काइँलाले कार्यक्रममा पहिले हाम्रा पूर्खाहरू लाहुरे भएर आउँथे, अहिले साहित्यकार भएर आउन थालेका छन् भन्नुभयो । प्रवासमा रहेर पनि जीवन गाउँलेमा राम्रो कथाकारिता रहेको कुरा उहाले थप प्रष्ट्याउनुभएको थियो । त्यसैगरी व्यङ्ग्यचित्र पनि साहित्यको अभिन्न अङ्ग भएकोले नेपालबाहिर पनि फस्टाउन पाउँदा खुशी भएको व्यक्त गरेका छन् । 
समालोचक समेत रहेका सुरेश हाचेकालीले भारतभन्दा अर्को मुलुक जाने नेपालीलाई 'अरपे' भनिने यसै कथा सङ्ग्रहबाट बुझ्न पाएको सन्दर्भलाई जोडेका थिए । उनले भर्ति भएर जानेलाई लाहुरे भनिएझै वैदेशिक रोजगारमा जाने नेपालीलाई अरपे पर्याय बन्न यस सङ्ग्रहले सघाउ पुर्‍याएको बताएका थिए । सङ्ग्रहभित्र रहेको एउटा कथा सुयोगबाहेक सबै वैदेशिक रोजगारीका कथा छन् भन्दै यस कृति वैदेशिक रोजगारीको कथा भन्न मिल्ने बताए । 
अर्का समिक्षक बिना थिङ तामाङले पार्सलका कथाहरू सामाजिक परिवेशबाट टपक्क टिपिएको बताएका छन् । 'अरपे' कथाको प्रसाग झिक्दै समाजमा अझै पनि कथाका पात्र 'हर्के साहु'हरू विद्यमान रहेको चर्चा गरेकी थिइन् । 
नेपाल प्रज्ञा प्रतिष्ठानका प्राज्ञ तथा आख्यान विभाग प्रमुख मातृका पोखरेलले आफूले पहिलो कथा लेख्दा त्यति राम्रो नलेखेको तर जीवन देवान गाउँलेको पहिलो कृति नै यतिको चोटिलो कथा लेख्न सक्नु साहित्यमा लोभलाग्दो उपस्थिति रहेको बताएका छन् । 
नेपाल प्रज्ञा प्रतिष्ठानका प्राज्ञ तथा मातृभाषा विभाग प्रमुख श्रवण मुकारुङले आफूले कथा पढिनसकेको तथा समिक्षकहरूको टिप्पणी सुनेर पुरै पढ्ने बताएका थिए । साथै चर्चा सुन्दै कथामा सम्भावना छ भनेर ठोकुवा गर्न सकिने पनि बताएका थिए । 
किरात याक्खा छुम्माका अध्यक्ष लिल रोगुले लेखक लामो समयदेखि वैदेशिक रोजगारीमा रहेकोले भेटघाट गर्न नपाए पनि आफ्नै जिल्लाबासी तथा समुदायको सिर्जना प्रकाशन हुन पाउँदा खुशी व्यक्त गरेका थिए । 
कार्यक्रमका संयोजक देवेन्द्र सुर्केलीले मलेसियामा सन् १९४७ देखि पर्वते नेपाली पत्रिकाको प्रकाशन भएर नेपाली साहित्यको प्रादुर्भाव भएको बताउँदै करिब ६० वटा भन्दा बढि कृति आए पनि उचित चर्चा भने नगरिएको बताएका थिए । 
कार्यक्रममा साहित्यकार टंक सम्बाहाम्फे, कविता राई गाउँले, देविका, चन्द्रा चाम्लिङ, मनोज साङसोन, विष्णु सिंगक, सुक तुम्रोक, जमुना राई, पृन्स याक्खा लगायतका साहित्यनुरागी उपस्थित थिएभने नेपाल पत्रकार महासंघ, मलेसियाका पूर्व सभापति विपिन राई, एनआरएन मलेसियाका पूर्व महासचिव सुनिल चालिसे, नेपाल साहित्य समाज इपो मलेसियाका अध्यक्ष युवराज साम्पाङ जेठा, प्रवासी तामाङ एकता समाज मलेसियाका संस्थापक अध्यक्ष विनो लामाको पनि उपस्थिति रहेको थियो । 
कार्यक्रमलाई नेपाल प्रज्ञा प्रतिष्ठानका प्राज्ञ सदस्य शशि लुमुम्बूले सभापतित्व गर्नुभएको थियो भने गीतकार टीका चाम्लिङले  कार्यक्रम  सञ्चालन गर्नुभएको थियो । 


सुक माया राई

Hot News

 

SEARCH

Newsletter

Top