Hot News
राष्ट्रपतिद्वारा सेना परिचालन गर्न स्वीकृति ; गायक/गीतकार/संगीतकार/सन्तोस आङदेम्बे मोडलीङ तिर ; नेपाली सिने जगतका वरिष्ठ कलाकार दिपक क्षेत्रीको स्वास्थ उपचार सहयोग रकम हस्तान्तरण । ; स्पारिङ तथा पुम्से च्याम्पियनसिपमा युनाइटेड क्लबलाई १४ गोल्ड मेडल ; विनासकारी भुकम्प गएको आज दुई वर्ष पुरा
Home > News > National

त्रिशूली ३ 'ए'को क्षमता विस्तार फिर्ता

Wednesday, 06.12.2013, 10:58pm (GMT+6.5)    | Comment | Print | Tell friend

जेष्ठ २९, काठमाडौ

नेपाल विद्युत् प्राधिकरणले त्रिशूली ३ '' को क्षमता विस्तारको निर्णय फिर्ता लिएको छ ।प्राधिकरण सञ्चालक समितिको बैठकले त्रिशूली ३ '' को क्षमता वृद्धि गरी ९० मेगावाट बनाएर चिनियाँ कम्पनीलाई निर्माण ठेक्का दिने निर्णय फिर्ता गरेको कार्यकारी निर्देशक रामेश्वर यादवले जानकारी दिनु भएको छ । ट्रेड युनियनका प्रतिनिधिसँगको छलफलअघि प्राधिकरण सञ्चालक समितिको बैठक बसेको थियो । सञ्चालक समिति अध्यक्ष ऊर्जामन्त्री उमाकान्त झा छन् ।

नेपाल विद्युत् प्राधिकरणको स्वामित्व भएको यो आयोजनालाई बिनाप्रतिस्पर्धा ६० मेगावाटबाट ९० मेगावाट बनाउन काम अगाडि बढाइएको थियो । आयोजनाका सम्पूर्ण काम दुई वर्ष अगाडि चिनियाँ ठेकेदार कम्पनी चाइना गेजहुवा ग्रुपले पाएको थियो ।बिनाप्रतिस्पर्धा क्षमता वृद्धि गर्दा आर्थिक 'चलखेल' भएको भन्दै तीब्र विरोध भएको थियो । सार्वजनिक खरिद ऐनमा बिना प्रतिस्पर्धा १० प्रतिशतमात्र घटबढ गर्न सकिन्छ । तर यस आयोजनामा ५० प्रतिशत काम बिनाप्रतिस्पर्धा दिइएको थियो ।क्षमता वृद्धिको विरोधमा कर्मचारीहरु आन्दोलनमा उत्रिएका थिए भने कांग्रेस, एमालेलगायत दलका पूर्व अर्थ तथा ऊर्जामन्त्रीहरुले निर्णय फिर्ताको माग गर्दै राष्ट्रपति, मन्त्रिपरिषद् अध्यक्षलाई गुहारेका थिए । कर्मचारीहरुले मन्त्री निवासमा ब्ल्याक आउट गरेका छन् भने मन्त्रिपरिषद् अध्यक्ष खिलराज रेग्मीको निवासमा बिजुली बन्द गरिदिने चेतावनी दिएका थिए ।त्रिशूली थ्री ''मा गर्न लागिएको क्षमता विस्तारविरुद्ध अधिवक्ता डिलहरि शर्माले सर्वोच्च अदालतमा सोमबार रिटसमेत दर्ता गरेका छन्।परियोजनाविरुद्ध यसअघि नै सर्वोच्चमा दायर रिट विचाराधीन हुँदाहुँदै मन्त्रिपरिषद्को स्वीकृतिमा प्राधिकरणले विस्तार गर्ने निर्णय गर्नु गैरकानुनी भन्दै खारेज गर्नुपर्ने रिटको माग छ ।


सुनुवार नितेश

Hot News

 

SEARCH

Newsletter

Top