फिल्म साउथएसियाको मोबाइल एप

Saturday, 10.28.2017, 02:22pm (GMT6.5)

११ कार्तिक २०७४

काठमाडौ‌


फिल्म साउथएसिया २०१७ वृत्तचित्र महोत्सवलार्इ मध्यनजर गर्दै मोबाइल एप आएको छ । दक्षिण एसियाको प्रतिष्ठित वृत्तचित्र महोत्सबको एघारौ संस्करण कार्तिक १६ गते बिहिबारदेखि काठमाडौमा शुरु हुदैछ । 

एपबाट महोत्सवका देखाइने सबै वृत्तचित्रका जानकारी, देखाइने मिति र समयका साथसाथै मोबाइलको क्यालेण्डरमा आफूलाई हेर्न मन लागेका वृत्तचित्रलाई राखेर अलार्म समेत राख्न सकिने छ । साथसाथै फेसबुक वा ट्विटरबाट साइन इन गरेर मोबाइल एपमा आफ्नो विचार र फोटो शेयर गर्ने एंव अन्य एप प्रयोगकर्ताहरुसँग गाँसिने र सन्देश आदानप्रदान गर्ने सुविधा समेत छ । फिल्म साउथएसिया २०१७ नाममा आइफोन र एन्ड्रोइड मोबाइल फोनका लागि एप्पल एप स्टोर र गुगल प्लेस्टोरमा उपलब्ध रहेको महोत्सवका सहायक निर्देशक रेवती गुरुङले जानकारी दिइन । उनका अनुसार साउथएसिया २०१७ मोबाइल एप विशेष गरेर महोत्सवमा सहभागी हुन चाहानेहरुलाई लक्षित गरि बनाइएको यो एपमार्फत दर्शकहरुले प्रदर्शन हुने वृत्तचित्रका बारेमा जानकारी लिने र आफूले रोजेका वृत्तचित्रहरु आफ्नो क्यालेण्डरमा राख्न सक्ने र अन्न सहभागीसँग विचार, फोटोहरु र सन्देश साट्न सकिने हुँदा सहभागिता सहज र उपलब्त्धीपूर्ण हुने विश्वास व्यक्त गरिन ।

एक विज्ञप्ति जारी गर्दै आयोजकले 'वृत्तचित्र एक साक्षीनाराका साथ हुन लागेको फिल्म साउथ एशिया २०१७ चार दिनसम्म चल्नेछ । सन् २०१५ यता बनेका दक्षिण एशियाको समसामयिक विषयहरुमा केन्द्रित ३०० सयभन्दा बढि वृत्तचित्रहरुमध्येबाट छानिएका उत्कृष्ट ६३ वृत्तचित्रहरु प्रदर्शन गरिनेछ । सन् १९९७ मा शुरु भएको यो द्विवार्षिक मेलाले परिवर्तनकारी सोचलाई प्रवर्धन गर्ने, मनोरंजन गर्ने र सुसूचित गर्ने दक्षिण एशियाली विषयका वृतचित्रहरु विगत १० वर्षदेखि गर्दै आएको छ । यो वर्ष प्रदर्शन हुने ६३ मध्ये ४५ वटा वृत्तचित्रहरुले कूल ५,५०० अमेरिकी डलर पुरस्कार राशी भएका पाँचवटा पुरस्कारकालागि प्रतिस्पर्धा गर्नेछन् ।  कुन्द दीक्षित संयोजक र पाकिस्तानी सिनेमाकर्मी फरजाद नावी र भारतीय पत्रकार राजश्री देशगुप्ता सदस्य रहेको निर्णायक समितिले उत्कृष्ट वृत्तचित्रहरु छान्नेछ ।

 

'फिल्म साउथ एशिया २०१७मा समावेश विद्यार्थी वृत्तचित्रहरुमा भावी सिनेमाकर्मीहरुको ६ वटा वृत्तचित्र प्रदर्शन गरिनेछ भने  'विद्रोहका वृत्तचित्रखण्डमा दक्षिण एशियाली देशमा प्रतिबन्दित वा विद्रोहसँग सम्बन्धित १२ वटा वृत्तचित्रहरु प्रदर्शन गरिनेछ । ँविद्रोहका वृत्तचित्रखण्ड दक्षिण एशियामा खुम्चदै गएको आलोचनात्मक सार्वजनिक वहस क्षेत्रभित्रबाट वाक् तथा अभिव्यक्ति स्वतन्त्रताको सीमालाई फराकिलो बनाउने प्रयास हो । भनिएको छ ।

बगैचा सम्बाददाता

© Copyright 2008. www.bagaicha.com, All Rights Reserved.